عمر وباسل

Your pictures and fotos in a slideshow on MySpace, eBay, Facebook or your website!view all pictures of this slideshow

الأحد، 13 يوليو 2008

افرح يا قلبى








( افرح يا قلبى )

إنهم حقا بهجة القلب الوحيدة التى لا تنقطع .. رب لك الحمد كما ينبغى لجلال وجهك وعظيم سلطانك .. وصل بسلامة الله يوم 28 / 6 / 2008 نوارتا عمرى ( عمر ، باسل ) مع زوجتى ( دخل الربيع ) إلى مدينة العين ...
أدركت من اليوم الأول أننى لم أكن على قيد الحياة بدونهم وأتمنى ألا يتفرق شملنا ثانية أبدا .. عمر ما شاء الله أصبح رجلا تقريبا 6 سنوات ولا يزال على عهدى به فى براءته وحنانه وذكائه وسرعة بديهته .. " بس المشكلة إنه جاى على طمع " .. فمن اليوم الأول وهو يود الخروج يوميا وحفظ أماكن الألعاب فى المدينة والمولات الكبيرة وعندما أقول له : " يا عمر كفاية كدة ماعدش معانا فلوس نروح " ولا كأنه سمع شيئا ، ويود الغداء " ديليفرى " يوميا وأنا والله العظيم لسة عارف الكلمة دى السنة دى .. ربنا يستر ويكملوا السنة معايا بالشكل ده .. طبعا من اليوم الأول وهو يقارن بين مصر وهنا فى كل شيء واقتنع تماما أن الإمارات أم الدنيا وليست المسكينة مصر .. إذا كان عمر هو النسمة الرقيقة ، فباسل هو الإعصار اللذيذ ..
لسة أثر عضته فى وش عمر من يومين .. طالعاله أسنان جديدة كتير فرحان بيها واحنا كمان بنشجعه .. اعمل زى الأسد يا بسولة ..
فيفتح فمه عن آخره بشكل يهلك من الضحك والرعب .. بس مؤدب والله .. لا يمد يده على أى شيء بلا استئذان .. ينظر لى أولا متسائلا : ده ؟ .. ده ؟ .. وغالبا تكون الإجابة لا فيبتعد بأدب ، وما إن تغفل العين عنه لحظة حتى تجد ذلك الشيء فى يده الكريمة ..
للمرة الألف الحمد لله رب العالمين .. المشكلة الوحيدة هى عدم دخول الإنترنت للبيت الجديد حتى الآن ولا أعرف متى ، الحياة بدون نت أصبحت شبه مستحيلة ، أوحشتنى كل المدونات وكل الأصدقاء .. تحياتى للجميع وعفوا إذا تأخرت فى التواجد هنا .

هناك 4 تعليقات:

من اجل عينيك يقول...
أزال المؤلف هذا التعليق.
من اجل عينيك يقول...

أدام الله عليك البهجة ياصاحب القلب الطيب
الحمدلله على سلامة وصولهم اليك
واتمنى ان لا يفرق الله قلوبكم

الاطفال حقا بهجة الحياة وخصوصا في اوقات سعادتهم
ترى سعادتك في فرحتهم

اسعد الله ايامكم وجعل السعادة قدركم

إيما يقول...

حمد الله علي سلامتهم أقمارك الصغيرين عمر وباسل وسلامة مامتهم وربنا يبارك لكم فيهم يا رب وينوروا أيامكم كلها ببراءتهم وشقاوتهم :)
علي فكرة علشان دايما بتكتب عمر باسل ورا بعض كنت بافتكر ان عمر اسمه اسم مركّب عمر باسل علي بعضه :)

غير معرف يقول...

xjxjxjc