أخيرا جدا وبعد طول غياب ، كتابى الأول تحت الطبع ويصدر بإذن الله مع بدايات الشهر القادم يونيو 2010 .. يا خوفى يطلع يوم النكسة .. عنوان الكتاب ( ست الحزن .. ذكريات الضحك والبكاء ) ويضم كتابات ساخرة فى الحياة العامة والخاصة وبعض آراء متواضعة اجتماعية وسياسية ويجمعها كلها طابع الذكريات ، ثم الجزء الحزين ( ست الحزن ) وسيصدر بفضل الله عن دار رواية للنشر والتوزيع .. دعواتكم بالتوفيق .. وهنا جروب الكتاب على الفيس بوك .
وهذه كلمة الناشر عن الكتاب :
" ببساطة آسرة وسحر مهيب يمزج الكاتب الضحك بالبكاء وهو يروى لنا ذكرياته الغريبة .. بكلمات مترعة بالبهجة والمرح الطفولى ، وسطور مشعة بصخب الحياة وتناقضاتها ، يحملك كتابه بعيدا فتحس على طرف لسانك بطعم أيام زمان التى لا تنقضى ، وتمد يديك بلهفة صانعا متراسك حول بصيص شمعة أحلامك الأخيرة رافضا أن يئدها واقعك المرير .. " .
هناك 12 تعليقًا:
ألف مبروك يا أستاذ إيهاب
ربنا يوفقك
و عقبال الطبعة العاشرة منه
و عقبال الكتاب المية
حلو قوى العنوان
بجد
الف مبروك عليك
و لا نكسة و لا هزيمة و لا يهمك اليوم فى حاجة
هينقرى و إن شاء الله ينجح و توصل افكارك و قصصك الجميلة لكل الناس
طول السنة
تحياتى و الف مبروك تانى و عاشر
مرحبا فاتيما العزيزة .. بالغ امتنانى لكلماتك الرقيقة .. ما قلتيش هتشترى كام نسخة؟ عايزين نجمع تمن الكتاب بسرعة .
يا لهوتينىىىىىى
ليه كدا بس يا أستاذنا ؟؟
دنا داخلة اقول مبروك
قوم تخلوا منظرنا ويحش كدا
و شكلنا هنتقلب ف المدونة دى ؟؟
طب اضحك عليا
و خدنى واحدة واحدة
قولى الاول
هيتباع فين
و بعدين قولى
النسخة بكام
و بعدين قولى ابقى اقريه
و قوليلى رأيك
و ف الآخر قولى كام نسخة
و كدا
مش توصدمنى مرة واحدة كدا
و هاخد وقت على ما افوق من هول الصدمة دى
ان شاء الله ربنا يجعلها
فاتحة خير عليك
و الف مبروك عليك
فاتيما العزيزة..
معقولة صدقتى ؟ ده انا بهزر طبعا .. نسختك طبعا محجوزة من دلوقتى هدية والنبى قبل الهدية .. بس المشكلة ف حاجة .. إنى حاليا فى الإمارات وبادعى من قلبى إنى ما انزلش أجازة السنة دى مصر والناشر هيبعت لى نسخى على هنا فمش هقدر أوصلهالك بكل أسف .. إذن هنخلينا زى ما احنا .. لازم ولابد تشترى نسخة ولو حالتك حلوة والأشية معدن ممكن تشترى زيادة وتبعتيهم لكام ناقد ولا جريدة تكتب بقين حلوين على الكتاب .. أنا عارفك كريمة والله لدرجة إنى خايف ماتدخليش مدونتى تانى ..
بحثت لك عن هدية مؤقتة فوجدت لك هذه :
http://dakhalelsheta.blogspot.com/2008/09/2_22.html
يا لهوتينى تاااانى
هتدبس ف كام نسخة كمان ؟؟؟
لا لا لا لا
انا خلاص اتجلبت ف المدونة دى
لأ يا عم
انا هستناك لما تنزل مصر و تعمل حفل توقيع و اشترى نسخة وحيدة يتيمة على قدى و دمتم
انا بهزر طبعا
و الف مبروووووك عليك
ترجع بالف سلامة ان شاء الله
و من نجاح لنجاح
و هروح اخد هديتى
و ميرسى جدااااا
الف مبروك يا ايهاب وعقبال الكتاب الجاي
كل التحية
السلام عليكم ورحمة الله وبركاته
هنا ميادة رشاد جميل
ازيك يا أستاذ إيهاب أيه اخبارك وأخبار العائلة الكريمة وإزاى ام عمر وعمر وباسل يارب تكونو كلكم بخييييير..
مبارك عليك كتابك يارب تشهد نجاحه ويكون بداية كتابات كتيرة جميلة تمتعنا بها...
بس هو الكتاب لما ينزل ان شاء الله ....فين ممكن ألاقيه؟
أنا مشتاقة كتيير أقرأه..
ومشتاقة أكثر إنى أجلس مع حضرتك فى قعدة روقان زى أول مرة بس ياترى بعدها هيكون رأيك فى زى ماهو وهتنزله فى كتابك اللى بعد كده....الله أعلم.
المهم هو انتم ممكن تنزلوا امتى والله بجد أم عمر وحشتنى جدا جدا ابعت لها منى سلام جامد جدااااااااااا
وسلامى الدائم الذى لا ينتهى أبدا....
ميادة رشاد جميل...
zianour
مرحبا أستاذة أمل ومنورة المكان .. دمت بكل خير.
----------
زهرة الجبل..
بالنسبة للكتاب فبعد أسبوع بإذن الله تجدينه فى الأسواق أي فى الأسبوع الأول من يونيو وسأخبرك وقتها أين تجدينه ..
بالنسبة لنزول مصر فغالبا لو قدر لي الله البقاء في العمل هنا فلن ننزل مصر هذا العام وأنا في شوق مثلك لجلسة رائعة مثل جلستنا الماضية وليجمعنا الله على خير بإذنه تعالى فى أقرب فرصة .. ليتك تبعثين لى برسالة موبايل لأننى فقدت رقمك ضمن أرقام كثيرة بعد تنزيل سوفت وير جديد للموبايل .. تحياتي لشخصك الكريم وللعصافرة كلها التي أوحشتني كثيرا حقا .
انا اللى فهمته
ان المطلوب نكتب عناوينا علشان توصل لنا نسخ مجانية
صح ولا انا غلطان ؟
ألف مليون مبروك وبإذن الله نحتفل بالكتاب العشرين
تحياتى دوما
الأزهري..
تصدق بالله أنا لو فى مصر ما كنت أتأخر بس المشكلة إنى فى الإمارات - الحمد لله - ونسخى أنا- ذات نفسى - هيوصلنى عدد محدود منها بالبريد.. خلى العناوين بقى للكتاب الجاى بإذن الله .. تحياتى وحبى
العزيز/ ايهاب
تحيه طيبه وصلتني رسالتك على الموبايل . شكرا لك . رغم اننا لم نتلق منذ ردح طويل من الزمن . سعيد برسالتك وسعيد أكتر بخروج مجموعتك الأولي " ست الحزن " أرجو فقط أن تنتبه إلى أنه يوجد ديوان شعر بالعاميه أسمه " ست الحزن والجمال " صدر منذ سنوات لشاعر مشهور ماجد يوسف سنة 1980 . فقط ملاحظه
خالص تحياتي وسعادتي
المنتظر بالله / عبده الريس
مرحبا بالشاعر الرقيق عبده الريس وشكرا لتشريفك وملاحظتك وكتابى ليس مجموعة قصصية ولكن مجرد ذكريات ومقالات ومجموعتى التوت المحروق فى سبيلها للنشر بإذن الله.. لا زلت كلما سمعت اسمك أتذكر على الفور مقطوعتك القصيرة (حين جلست فى نيفى)التى كنت أحبها كثيرا .. تحياتي وحبي.
إرسال تعليق