عمر وباسل

Your pictures and fotos in a slideshow on MySpace, eBay, Facebook or your website!view all pictures of this slideshow

الخميس، 12 مارس 2009

( على اسم مصر ) مسموعة بصوت يحيى الفخرانى والفنانين

هذه قصيدة على اسم مصر للرائع صلاح جاهين بصوت يحيى الفخرانى ومحسنة توفيق ومجموعة من الفنانين ، بعد جهد جهيد تمكنت من رفعها هنا ..

مصر .. التلات أحرف الساكنة اللي شاحنة ضجيج

زوم الهوا وطقش موج البحر لما يهيج

وعجيج حوافر خيول بتجر زغروطة

حزمة نغم صعب داخلة مسامعي مقروطة

في مسامي مضغوطه مع دمي لها تعاريج

ترع وقنوات سقت من جسمي كل نسيج

وجميع خيوط النسيج على نبرة مربوطة

اسمعها مهموسة والا اسمعها مشخوطه

شبكة رادار قلبي جوه ضلوعي مضبوطة

على اسم مصر

على اسم مصر التاريخ يقدر يقول ما شاء

أنا مصر عندي أحب وأجمل الأشياء

باحبها وهي مالكه الأرض شرق وغرب

وباحبها وهي مرميه جريحة حرب

باحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب

وهنا قمت برفع القصيدة المسموعة كاملة على الفورشيرد يمكنك التحميل .

وهنا مكتوبة كملف وورد .

هناك 4 تعليقات:

غير معرف يقول...

السلام عليكم ورحمه الله وبركاته
كيف حالك يا استاذ ايهاب وام عمر وعمر وباسل ؟ ان شاء الله يارب تكونوا بخير جميعا ....
هنا مياده رشاد.والله لك وحشه يا استاذ ايهاب .انت فيين ؟انا الفتره اللى فاتت لم ادخل سوى مرات قليله لاجد الصفحه كما تركتها لا جديد فسالت اميره عنكم وطمنتنى لكن بلغتنى بخبر -البقاء لله-وفاه صديقك ربنا يلهمكم واهله الصبر .المهم ليس الفراق لاننا رايحين رايحين ما يعزيك هو انه اكيد برحمه ربنا هيكون بخير على الاقل هو فى عالم افضل بكثير.....
اخباركم ايه فى الغربه يارب تكونوا بخير.....اما انا كله تمام والحياه بمبى على الاخر.
نفسى بجد اشوفكم قريب فى مصر.
ازاى عمر وباسل..يا ترى عمر لسه فاكرنى؟
ازاى ام عمر ..والله المنصوره مالها طعم من غيرها وحشتنى ملامحها وضحكنا وكلامنا وزوقهاوبالطبع اكلها وكل لما امر على بيتكم كأن كل المرات اللى كنت عندكم فيها شوفتها بعينى..
تعرف بجد ومن غير مجامله لمابادخل المدونه هنا باشوف حاجات كتير انا بحبها وغايبه عنى ضاعت فى وسط الدراسه ومشروع التخرج والكفاح والخوف من بكره والامل احيانا بل نادرا..
بجد خطا كبيييييير منك انك تبعد عن كتاباتك وحياتك الادبيه التى ارى فيها الكثير من العزاء عن صعوبه الحياه وغربتك على الاقل حضرتك عندك حاجه تحسسك انك موجود..................
موهبه جميله وحياه ثريه وزاخره بالمواقف اياكانت حزينه ام سعيده كلها تربه خصبه للكتابه...
بجد اناكل مره ادخل فيها بعد غيبه باكون متلهفه انى اشوف حاجات كتير جديده.ارجوانك ما تعملش كده تانى ..مفهوم؟
وبعد ما عملت فيها ست الحكيمه كفايه ان انسه رقيقه زى القمر من العصافره سيتى تقول لك كده المفروض النهارده تكتب عشرين قصه على الاقل .
سلامى للاسره وكفايه كده لانى حكيت كتيير.اقصد كفايه عليك لانك كده دخلت التاريخ اوى....
وسلامى الدائم الذى لا ينقطع ابدا....
مياده رشاد جميل(بيوتيفل)

Ana يقول...

مرحبا ميادة ..أنت أيضا ذكرتنى بأشياء وذكريات غالية فحين أعود بإذن الله فى بداية يوليو القادم سأكون قد فارقت المنصورة لعام ونصف .. أوحشتنى المنصورة كثيرا بل وحتى العصافرة .. تخيلى الشرف ده ؟! .. خالص امتنانى لكلماتك الرقيقة وثقتك الغالية وصدقينى باستطاعتى أن أكتب عشرات القصص يوميا ولكنها لن تبقى كثيرا فقد حرصت دوما أن تبقى قصصى طويلا بأعماقى وأعماق من يقرأها .. بالمناسبة هل قرأت مجموعتى القصصية كاملة ؟ يمكنك تحميلها من المدونة هنا من عنوان مجموعتى القصصية التوت المحروق وعندما تقرئينها كاملة ربما تحسين ما أعنيه .. أشعر برغبة حقيقية فى الثرثرة معك حقا لأتنسم عبير الأيام الخوالى التى أفتقدها لكننى أكتب إليك من المدرسة .. أرجو أن أراك فى المنصورة بإذن الله فلم تحظى حتى الآن بشرف الجلوس معى .. تحياتى للعصافرة كلها وكل الأحبة ومرة أخرى عظيم امتنانى لشخصك الكريم والجميل
( belle )بالفرنساوى .. كل واحد وعلامه طبعا .

غير معرف يقول...

الصديق العزيز ايهاب رضوان
حقيقي الشكر والامتنان لك لايكفي
اعرف ماتبذله من مجهود عظيم ورائع عندما تتذوق كل شئ جميل ولا تبخل علينا أن نستمتع معك به
إنتقاءك الجميل لرائعة صلاح جاهين
على اسم مصر

تدوينة
طار في الهوا شاشي
رائعة وتشويقية جداً أثناء سردها وانا أقرأها حريصاً على معرفة كيف سترسي بي الأحداث أو بالأصح بصاحبك الكر يم ولكن عسى أن تكرهوا شيئاً وهو خير لكم،
اشكر زيارتك الكريمة
وتعليقك الجميل رغم تعلقي وطموحي بقراءتك لتدوينات سابقة فاتتك زي الورقة الأخيرة
أيقونة
أنا أيقن أن الأخرين يقرأون البوست الأخير فقط للتذكرة بمدوناتهم
لكن ايهاب رضوان ليس من تلك القبيلة

نتمنى أن نرى لك إبداعاً جديداً لك
تحياتي
حسن أرابيسك

Ana يقول...

( ملحوظة تعليق الفنان حسن أرابيسك نسخته من التدوينة قبل حذفها وتعديلها )..
الرائع حسن أرابيسك ..
جزيل امتنانى .. بوجودك تكتمل البهجة وأحس بفرحة العيد الذى طال غيابه ، فمرورك يختلف عن مرور الجميع لقراءتك المتأنية وحسك الفنى الصادق واعذرنى للغياب فالحياة فى الغربة قاسية لا ترحم ولا يخفف من حدتها إلا طلتك علينا فلا تغب .. أعد بالمزيد من القراءة لأعمالك البديعة .. خالص حبى .