عمر وباسل

Your pictures and fotos in a slideshow on MySpace, eBay, Facebook or your website!view all pictures of this slideshow

الاثنين، 22 سبتمبر 2008

( فى مرايا العمر ) قصة محمد الدسوقى بصوتى

كان الصديق العزيز محمد الدسوقى قد طلب منى تسجيل قصته بصوتى الإذاعى كما يتهيأ له .. القصة تحفة بكل المقاييس أسلوبا وفكرة ولغة وهى أروع قصصه فى رأيى .. سجلتها ببرنامج سونى ساوند فورج وكنت وقتها لا أعرف تفاصيل استخدام البرنامج الرهيب الذى يسمح لى بدمج المقاطع وتعديلها وإضافة خلفية موسيقية ، فاضطررت لتسجيلها مرة واحدة بنفس واحد بلا توقف وكنت مصرا على عدم الخطأ فى حرف واحد واستغرق الأمر أكثر من 20 مرة بلا مبالغة حتى جاءت بهذه الصورة ربما خطأ واحد فقط .. وكانت المشكلة بعدها كيف أرسلها له فحجمها 37 ميجا وبعد معاناة تمكنا من ذلك ورفعها على الفور شيرد ..

لكننى من وقتها وأنا أحاول وضعها مباشرة فى مدونتى ومنذ أسبوع وأنا أحاول يوميا وكان حجمها هو المشكلة حتى تمكنت من تحويلها إلى فلاش فيديو ليصبح حجمها 10 ميجا فقط وقمت برفعها على هذا الموقع الجميل .. وأخيرا تنفست الصعداء ..

محمد : قصتك أتعبتنى بلا حدود فى التسجيل وفى الرفع ولكننى كنت فى غاية السعادة وأنا أتعب لأجلك أيها العزيز ..

نسيت أن أذكر لكم اعترافا رهيبا .. فعندما وضع محمد رابط قصته فى مدونته راح البعض يعلقون على صوتى فانتحلت اسما خياليا وعلقت هناك مادحا الصوت والإلقاء وتماديت فدخلت باسمى الحقيقى ورددت على نفسى لحبك الخدعة وصدق الدسوقى بطيبة قلبه المعهودة .. شريرا كنت .. أعترف .. لكنها ستعجبكم كما أتمنى .


هناك 6 تعليقات:

من اجل عينيك يقول...

كل التعب ده ودكتور محمد اساساً مش باين لا حس ولاخبر

السلام عليكم ورحمة الله وبركاته اولا

ازيكم ثانيا

فين دكتور محمد ثالثاً

تصدق يا استاذ ايهاب ان صوتك اذاعي فعلا

بيفكرني وانا صغيرة وانا رايحة المدرسة وبابا الله يرحمه مشغل الراديو عشان نسمع القصة اللي بيحكيها مذيع للاطفال كل صبح

نفس الصوت والله

مش هاقول ان صوتك جميل طبعا
دي تعتبر معاكسه ؛)

بس ممكن ادخل باسم مجهول واقولك ان صوتك جميل وابقى شريرة زي سعادتكم :)

Ana يقول...

يالسعدى وهنائى من أجل عينيك هنا بعد طول غياب .. مرحبااااااااااااا ..
شكرا لمديحك صوتى الذى سيجعلنى أسارع بإنتاج شريط كاسيت فى أقرب وقت .. بالنسبة لمحمد الدسوقى فهو هكذا دوما ولكننى أبلغته بمحاولاتى لوضع قصته هنا لذا أتوقع ظهوره قريبا .. تحياتى لك ..

غير معرف يقول...

طيب أنا جيت أهو وطبعا حصل لي مفاجأة كالعادة يعني كدا بتجبرني إني أسمع القصة بصورتك للمرة الرابعة بعد المليون العاشرة ...
إيهاب عقدتني ... وكمان مش عاجبك صوتك ..؟؟ طيب يا سيدي عشان تصدق أنا مستعد أعمل لك الشريط دا على حسابي يمكن متكونش مقتنع بكلامي ولا كلام " فاطمة" ...
الله سيدة الذوق الرفيع " فاطمة " هنا كمان ؟؟
واضح إن الواحد مش هيقدر يتكلم كالعادة لما بيحس بكل المشاعر الجميلة دي ... والله يا فاطمة بتخجليني بكرم أخلاقك ... وكالعادة دائمة السؤال ... ربنا يبارك لنا فيكي يا فاطمة ...
إيهاب أنا بنسى إن القصة دي أنا كاتبها وأنا بسمعها بصوتك ... ومن كتر عدد المرات اللي سمعت فيها القصة بصوتك خلاص لزقت في راسي بصوتك والخلفية الموسيقية دي _ وهي بالمناسبة نفس الموسيقى اللي بأشغلها جنبي وأنا بكتب _ بصراحة يا إيهاب فيه ناس بتيجي عشان تقول لهم ولو كلمة شكر بتحس إنك أخرس والصوت مش هيخرج مهما حاولت ... مهو يعني الواحد هيشكر نفسه ...؟؟ طيب بذمتك ينفع ..؟
بس أمري لله مضطر أقولك كالعادة ربنا ميحرمناش منك ويخليك لنا ... يعني الواحد يقول إيه بس ...
أيهاب عندي رواية 200 صفحة ورد مستني لما تفضى عشان تسجلهالي بصوتك وبرضه على نفس واحد .... ها قلت إيه ..؟؟
ألحق أهرب أنا ...
إيهاب ... إني أحبك في الله
كل حبي وإحترامي

Ana يقول...

من القلب للقلب يا محمد .. اتجدعن انت واكتب روايةوأنا جاهز لتسجيلها وفاطمة تنتج لنا بقى ..

Ana يقول...

الله الله الله .. بجد أجنن .. والله يا محمد يا دسوقى كل ما أسمعها أفكر أسجلها من تانى بعد ما عرفت تفاصيل البرنامج أكيد هتكون أحسن وكمان علشان أهتم بالإحساس شوية لأنى كنت مشغول أكتر باللغة ..

غير معرف يقول...

يعني متخيل حد عاقل يقول لأ عالعرض ده ...؟؟
أقول إيه طيب...؟؟؟؟؟؟؟؟؟؟؟؟؟؟؟